Skip to content

Hetja frá Mið-Kárastöðum

    IS2009255926

    Litur: Svört

    F: Glæsir frá Hindisvík
    FF: Hjörtur frá Hindisvík
    FFF: Hlöðvir frá Hindisvík
    FFMF: Glóblesi 700 frá Hindisvík

    FM: Litla-Jörp frá Hindisvík
    FMF: Glóblesi 700 frá Hindisvík

    M: Hrund frá Hindisvík
    MF: Hlöðvir frá Hindisvík

    MFMF: Glóblesi 700 frá Hindisvík
    MM: Jarpstjarna frá Hindisvík
    MMF: Glóblesi 700 frá Hindisvík

    Hetja er hreinræktaður Hindisvíkingur allt aftur til ársins 1880 og er með nokkuð fullri vissu hægt að segja að ekkert íslenskt hross hafi svo langa sögu af stofnræktun á bak við sig, en engan aðkomuhest má finna í hennar ættartré. Hún er gríðarlega skyldleikaræktuð, en til að taka dæmi um skyldleikaræktunina (sjá mynd fyrir neðan), má nefna að móðir Hlöðvis (Ör frá Hindisvík) er alsystir móður Hjartar (Fjöður frá Hindisvík), en Hlöðvir og Hjörtur eru feðgar. Svo eru MM (Jarpstjarna) og FM (Litla-Jörp) einnig alsystur. Glóblesa gamla má einnig finna 5 sinnum í ættartré Hetju.

    MYND

    Mynd til útskýringar á skyldleikaræktinni sem Hetja kemur af. Sömu litir standa fyrir alsystkin eða sama hestinn.

    Hetja kom til okkar vorið 2014. Hún var þá 5 vetra og ótamin. Hún var frumtamin um haustið og reyndist hún vera þæg, en viljug með hreyfingamikið brokk og opið tölt þegar eftir því var leitað.

    Þess má geta að þrátt fyrir mikla skyldleikaræktun Hetju sýnir hún engin merki úrkynjunnar. Hún er stór, geðgóð og stingandi fríð.

    Hetja er með frábæra fótagerð og úrvals hófa sem er eitt af ættareinkennum Hindsvíkurhrossanna.

    Hún er hágeng klárhryssa með tölti.


    Afkvæmi Hetju