Skip to content

Við

    Hindisvík er staðsett yst á Vatnsnesi, norðan við Hvammstanga á Norðvesturlandi. Séra Sigurður Norland í Hindisvík var afabróðir Tobba. Hann átti auk Hindisvíkur jörðina Flatnefsstaði, sem er nú í okkar eigu, en við kennum hrossin okkar við Hindisvík.


    Hanný og Tobbi búa hinsvegar á Svalbarði sem er 15 km frá Hindisvík.


    Heiða (dóttir Hannýjar) og Bjarni búa á Sæbóli, sem er lítil jörð með stóru æðarvarpi rétt hjá Hvammstanga, 30 km frá Hindisvík.


    Tobbi er búinn að stunda hrossarækt, tamningar, járningar, kennslu og hestaferðir alla tíð. Hann rak ásamt föður sínum, Agnari Norland, hrossaræktarbú í Hindisvík í mörg ár. Einnig byggði hann ásamt föður sínum og rak hestamiðstöðina Hindisvík í Mosfellsbæ, sem var ein af fyrstu reiðhöllum landsins. Tobbi var starfandi íþróttadómari í mörg ár.


    Hanný er ættuð frá Þýskalandi. Hún kom fyrst til Íslands 1981 og flutti alveg hingað 1984.

    Hanný er menntaður hestabúfræðingur og reiðkennari frá Þýskalandi og líka með tamningapróf og B-reiðkennararéttindi frá FT, en er ekki í félaginu lengur. Hún er gæðingadómari og hefur starfað við tamningar í yfir 30 ár, þar af var hún 26 ár í Hornafirðinum. Hanný kenndi auk þess knapamerkin í nokkur ár í Framhaldsskóla Austur Skaftafellssýslu.


    Heiða er dóttir Hannýjar og hefur verið með “hestabakteríuna” síðan hún man eftir sér. Hún hefur starfað víða við tamningar, þjálfun og reiðkennslu, og sér um heimasíðuna okkar.

    Heiða er menntaður hestabúfræðingur frá Þýskalandi og með tamningarpróf IPZV.